பிரதமர் நரேந்திர மோடிக்கு, ஹிமாச்சல பிரதேசத்தில் உள்ள உனாவில் உற்சாக வரவேற்பு….

Google News

Viveka Bharathi

Live 621 followers

பிரதமர் நரேந்திர மோடி ஹிமாச்சல பிரதேசம் சென்று நாட்டின் நான்காவது வந்தே பாரத் ரயிலை தொடங்கி வைத்தார்.

இமாச்சல பிரதேசத்தில் ஜெய்ராம் தாக்கூர் தலைமையிலான பாஜக ஆட்சி நடைபெற்று வருகிறது. இந்த ஆண்டு இறுதியில் அங்கு தேர்தல் நடைபெற உள்ளது.

Related posts

ஒடிசாவில், மீண்டும் சரக்கு ரயிலில் விபத்து

ஜூன் 10, 2023

நடுத்தர மக்களின் கனவுகளை பிரதமர் மோடி நிறைவேற்றியுள்ளார், மத்திய உள்துறை அமைச்சர்

ஜூன் 10, 2023

பாஜக மற்றும் காங்கிரஸ் இடையே நேரடி போட்டி நிலவுகிறது. அங்கு மீண்டும் ஆட்சியைப் பிடிக்கும் முயற்சியில் பாஜக ஈடுபட்டுள்ளது.

ஹிமாச்சல பிரதேசம்

இந்நிலையில், இன்று இமாச்சல பிரதேசம் சென்ற பிரதமர் நரேந்திர மோடி, பல்வேறு திட்டங்களை தொடங்கி வைத்தார். நாட்டின் நான்காவது வந்தே பாரத் அதிவேக ரயிலையும் அவர் தொடங்கினார் என்பது குறிப்பிடத்தக்கது. இமாச்சல பிரதேச முதல்வர் ஜெய்ராம் தாக்கூர், அமைச்சர்கள் அஸ்வினி வைஷ்ணவ், அனுராக் தாக்கூர் உள்ளிட்டோர் உடனிருந்தனர்.

வந்தே பாரத் ரயில்

இந்த ரயில் ஹிமாச்சல பிரதேசத்தில் உள்ள அம்பந்துராவிலிருந்து டெல்லிக்கு இயக்கப்படும். புதிய ரயில் முந்தைய ரயில்களை விட மேம்பட்டதாக இருக்கும் என்றும், வினாடிகளில் அதிவேகத்தை எட்டும் திறன் கொண்டதாக இருக்கும் என்றும் அதிகாரிகள் தெரிவித்தனர். அதாவது இந்த ரயில் 100 கிமீ வேகத்தை வெறும் 52 வினாடிகளில் எட்டிவிடும்.

பிரதமர் மோடி

இந்த ரயில் புதன்கிழமை தவிர வாரத்தில் ஆறு நாட்கள் இயக்கப்படும், முக்கிய நிறுத்தங்களில் மட்டும் நின்று செல்லும். நிகழ்ச்சியில் பேசிய பிரதமர் மோடி, “இமாச்சல பிரதேசத்தில் தீபாவளி சீக்கிரமாக வந்துவிட்டது… புதிய வந்தே பாரத் ரயில் சேவை தொடங்கப்பட்டுள்ளது. நாட்டில் அறிமுகம் செய்யப்படும் 4வது வந்தே பாரத் ரயில் இது” என்றார்.

சிங்கம்

இந்த நிகழ்ச்சிக்கு ஹிமாச்சல பிரதேசத்தில் உள்ள உனாவில் உற்சாக வரவேற்பு அளிக்கப்பட்டது. அவர் உனா ரயில் நிலையத்திற்கு வந்தவுடன், மக்கள் அவரை உற்சாகப்படுத்தினர். மேலும், பிரதமர் மோடி வந்தவுடன் சிங்கம் வந்துவிட்டது, யார் வருகிறார் பாருங்கள், சிங்கம் வந்துவிட்டது என மக்கள் கோஷங்களை எழுப்பினர்.

ஆராய்ச்சி

இந்த வீடியோ இணையத்தில் வைரலாகி வருகிறது. அந்த வீடியோவில் கூட்டம் அலைமோதுவதையும், உற்சாகமாக கோஷமிடுவதையும் காட்டுகிறது. மேலும், பிரதமர் மோடியும் அந்த ரயிலில் சிறிது நேரம் பயணம் செய்தார். இது தவிர, வந்தே பாரத் எக்ஸ்பிரஸின் இன்ஜின் கட்டுப்பாட்டு மையத்தையும் பிரதமர் ஆய்வு செய்தார்.

தேர்தல்

இமாச்சல பிரதேசத்தில் 2017 தேர்தலில் மொத்தமுள்ள 68 இடங்களில் பாஜக 44 இடங்களில் வெற்றி பெற்றது. காங்கிரஸ் கட்சியால் 21 இடங்களில் மட்டுமே வெற்றி பெற முடிந்தது. பெரும்பாலான இடங்களில் பாஜக அமோக வெற்றி பெற்றது. தற்போது மீண்டும் அதேபோன்ற வெற்றியை அடைய பாஜக முயற்சிக்கிறது.