கன்யாகுமரி மாவட்டத்தில், 14 இடங்களில் விநாயகர் சிலைகள் நிறுவ அனுமதி மறுப்பு… இந்து முன்னணியினர் திரண்டதால் பரபரப்பு

Google News

Viveka Bharathi

Live 564 followers

கன்யாகுமரி மாவட்டத்தில் 14 இடங்களில் விநாயகர் சிலைகள் நிறுவ அனுமதி மறுக்கப்படுவதாக இந்து முன்னணியினர் குற்றம் சாட்டியுள்ளனர்.

கன்யாகுமரி மாவட்டத்தில் 14 இடங்களில் விநாயகர் சிலைகள் நிறுவ அனுமதி மறுக்கப்படுவதாக இந்து முன்னணியினர் குற்றம் சாட்டியுள்ளனர்.

விநாயகர் சதுர்த்தி

கன்யாகுமரி மாவட்டத்தில் விநாயகர் சதுர்த்தி விழா நேற்று உற்சாகமாக கொண்டாடப்பட்டது. இதை முன்னிட்டு இந்து முன்னணி, அகில பாரத இந்து மகா சபா, சிவசேனா ஆகிய இந்து அமைப்புகள் சார்பில் கோயில்கள் மற்றும் பொது இடங்களில் விநாயகர் சிலைகள் பிரதிஷ்டை செய்யப்பட்டன. முன்னதாக விநாயகர் சிலைகள் பிரதிஷ்டை செய்வதற்கு கடுமையான கட்டுப்பாடுகள் இருந்தன. குறிப்பாக, புதிய இடத்தில் சிலைகள் வைக்கக் கூடாது என அறிவிக்கப்பட்டது.

இந்நிலையில் நேற்று செண்பகராமன்புதூர் முத்துநகரில் விநாயகர் சிலையை பிரதிஷ்டை செய்ய இந்து முன்னணியினர் தயாராகினர். ஆனால் அதற்கு போலீசார் அனுமதி மறுத்தனர். இங்கு கடந்த 2 ஆண்டுகளாக விநாயகர் சிலை பிரதிஷ்டை செய்யப்படாததால், புதிதாக சிலையை பிரதிஷ்டை செய்யக்கூடாது என போலீசார் தெரிவித்தனர். இதேபோல் கணபதிபுரம் பகுதியில் ஏற்கனவே பிரதிஷ்டை செய்யப்பட்ட இடத்தில் விநாயகர் சிலை பிரதிஷ்டை செய்ய அனுமதி மறுக்கப்பட்டுள்ளது.

கண்டிக்கத்தக்கது

இதையடுத்து, சம்பந்தப்பட்ட 2 ஊர்களைச் சேர்ந்த இளைஞர்கள் இந்து முன்னணி மாவட்டத் தலைவர் கிருஷ்ணகுமார், விஷ்வ ஹிந்து பரிஷத் மாநில நிர்வாகி காளியப்பன் ஆகியோருடன் நாகர்கோவில் மாவட்டக் காவல் கண்காணிப்பாளர் அலுவலகத்துக்கு வந்தனர். இந்து முன்னணி மாவட்ட தலைவர் கிருஷ்ணகுமார் கூறியதாவது:-

செண்பகராமன்புதூர் முத்துநகர் பகுதியில் கடந்த 27 ஆண்டுகளாக விநாயகர் சிலை பிரதிஷ்டை செய்யப்பட்டு வருகிறது. கொரோனா பரவல் காரணமாக கடந்த 2 ஆண்டுகளாக சிலைகள் பிரதிஷ்டை செய்யப்படவில்லை. தற்போது அந்த பகுதியில் மீண்டும் சிலையை பிரதிஷ்டை செய்ய போலீசார் அனுமதி மறுத்துள்ளனர். ஏற்கனவே கும்பாபிஷேகம் செய்யப்பட்ட இடத்தை கும்பாபிஷேகம் செய்ய மறுப்பது வன்மையாக கண்டிக்கத்தக்கது.

14 இடங்களில் அனுமதி மறுப்பு

அதேபோல் கணபதிபுரத்தில் சிலை வைக்க அனுமதி மறுக்கப்பட்டுள்ளது. தக்கலை ஒன்றியத்தில் 4 இடங்களிலும், திருவட்டார் ஒன்றியத்தில் 2 இடங்களிலும், உப்பிலி ஒன்றியத்தில் 2 இடங்களிலும், குருந்தன்கோடு ஒன்றியத்தில் 2 இடங்களிலும், தோவாளை ஒன்றியத்தில் 1 இடத்திலும், பத்மநாபபுரத்தில் 1 இடத்திலும் சிலைகள் அமைக்க காவல்துறை அனுமதி மறுத்துள்ளது.

அவர் கூறியது இதுதான்.

இதையடுத்து இந்து முன்னணியினர் காவல் கண்காணிப்பாளர் அலுவலகத்தில் மனு அளித்து விட்டு கலைந்து சென்றனர். காவல்துறை கண்காணிப்பாளர் அலுவலகத்தில் இந்து முன்னணி அமைப்பினர் திரண்ட சம்பவம் பரபரப்பை ஏற்படுத்தியது.