டென்னிஸ் உலக குரூப் 2 டையில், இந்தியா 4-1 என்ற கோல் கணக்கில் மொராக்கோவை வீழ்த்தியது….

Google News

Viveka Bharathi

Live 564 followers

ஞாயிற்றுக்கிழமை நடந்த டேவிஸ் கோப்பை டென்னிஸ் உலக குரூப் 2 டையில் இந்தியா 4-1 என்ற கோல் கணக்கில் மொராக்கோவை வீழ்த்தியது.

முன்னதாக போட்டியின் இரண்டு ஒற்றையர் ஆட்டங்கள் சனிக்கிழமை நடைபெற்றன. முதலில் இந்தியாவின் சசிகுமார் முகுந்த் – மொராக்கோவின் யாசின் லிம்மியுடன் நடந்த மோதலில் காயம் காரணமாக விலகியதால் யாசின் வெற்றியாளராக அறிவிக்கப்பட்டார். 2வது ஒற்றையர் ஆட்டத்தில் சுமித் நாகல் ஆடம் மவுண்டரை தோற்கடித்து ஆட்டத்தை 1-1 என சமன் செய்தார்.

ஞாயிற்றுக்கிழமை நடந்த முதல் இரட்டையர் ஆட்டத்தில் ரோகன் போபண்ணா/யுகி பாம்ப்ரி ஜோடி 6-2, 6-1 என்ற செட் கணக்கில் எலியட் பென்ஷெட்ரிட்/யுன்ஸ் லாலமி ஜோடியை வீழ்த்தி இந்தியா 2-1 என முன்னிலை பெற்றது.

அடுத்த ஒற்றையர் பிரிவில் சுமித் நாகல் 6-3, 6-3 என யாசின் லிம்மியை வீழ்த்தி இந்தியா 3-1 என முன்னேறியது. கடைசி ஒற்றையர் ஆட்டத்தில் திக்விஜய் பிரதாப் சிங் 6-1, 5-7, 10-6 என்ற செட் கணக்கில் வலித் அஹுதாவை வீழ்த்தினார். இறுதியில் இந்தியா 4-1 என்ற கோல் கணக்கில் வெற்றி பெற்று, உலக குரூப் 1 பிளே-ஆஃப் சுற்றில் விளையாடவுள்ளது.

போபண்ணா விடைபெறுகிறார்: இந்த டையுடன் டேவிஸ் கோப்பை டென்னிஸிலிருந்து ரோகன் போபண்ணா விடைபெற்றார். 21 ஆண்டுகளில் அவர் போட்டியில் விளையாடிய 33வது டை இதுவாகும். வெற்றிக்குப் பிறகு கையில் தேசியக் கொடியுடன் மைதானத்தை வலம் வந்து ரசிகர்களின் அன்பை ஏற்றுக்கொண்டார்.